商機收料站 : 荔枝角新場招租暑假開幕

荔枝角有好多個屋苑，人口勁密集，但係附近就只得1、2個細商場。不過早排睇報紙，見到宇晴軒屋苑樓下開多個新商場，叫做宇晴匯，家正在招租，我一向唔放過任何商機，就走去商場睇，個場暑期就會正式開幕，負責人陳先生話個場由舊年聖誕開始招租，家已經租出7成喇。「個場有十幾萬呎，劃分超過30間鋪，最細約300呎，最大就過萬呎，呎價由$20至$70不等，最平約$12,000就租到鋪。」相比毗鄰的昇悅居商場，租金相若，而比起美孚萬事達商場，呎價亦要由$80至$120，宇晴匯租金唔算貴。
陳生又話個場走中檔路線，適合想開食肆、時裝精品人士，「家有一半場都畀超級市場及餐廳租，不過為平衡番個場，未來希望可以多番家居用品、時裝等鋪頭。」宇晴匯離荔枝角港鐵站和學校，只有2分鐘路程，而且附近又多屋苑及學校，睇都幾有潛力喎。
租務熱線：21809600/21288838