真人騷 : 我在酒吧的日子（上集）

真人騷 : 我在酒吧的日子（上集）

新欄目〈真人騷〉，找來各行各業人士，現身說法，以寫blog形式，與大家分享他們工作上的苦與樂。
Marco 19歲
行業：Bar Tender
簡介：入職4個月的Marco，愛玩愛蒲，中五輟學後已轉過多份工。他的做人宗旨為「今天的事明天做，明天的享樂今日玩埋佢！」由最初入行只想溝女威，直至慢慢了解自身工作的意義與責任，現已成為獨當一面的bar tender。

2008-01-02
仲慘過讀書！
之前去蒲，成日見到班bar tender又型仔又識得多女，咁畀我知阿Wing做開間酒吧請人，咪叫佢介紹入行囉！點知第一日返工先知原來咁Q多做！我頂！除要記住50幾種cocktail點溝之外，原來啤酒都有分開杯上、樽裝同罐裝，譬如喜力呢隻牌子，杯上叫大喜、樽裝叫樽喜、罐裝叫細喜，煩到癲。由於今日酒吧大佬冇返，所以由老細阿Ken親自教我整幾杯大路cocktail，佢仲畀本「Bar Tender聖經」叫我「咪」熟佢。一杯cocktail有成6、7種成分，記死人咩！我記叻就讀緊書啦，使Q度做！
我睇兩頁個頭已經開始痛，諗諗想唔做，不過話晒都係個friend介紹入，又見呢度幾多索女，姑且做兩日睇定先……

2008-01-04
×到呢……
老細阿Ken話今日星期五要「炒場」，我問佢乜叫「炒場」，答案真係令我O晒嘴：「星期五酒吧一定爆，所以你要有心理準備會好忙，除酒吧，你仲要幫手遞餐serve客，乜都要做。」？我做bar tender叫我做waiter？佢仲即場教我落單，凍檸茶就寫「凍0T」之類。嘩！我酒都未記晒，就要我記埋呢。結果日我淨係洗杯都洗到手皮甩晒，又試過寫錯單、整錯cocktail，俾客狂×。本來我可以問個bar大佬或者經理，但我醒字派，乜都問佢咪好瘀皮？
最慘係要不停咁換生啤啤酒罐，大家咪以為係一「罐」啤酒罐，有圖畀你睇！仲「大咪」過保齡球呀大佬！放工陣腰痠背痛，本來約條女唱K，都係下次先……

2008-01-05
東主有喜休息一天
條女「詐型」，最後都係去唱K，食埋早餐返到屋企已經朝早十點。今日本來返下晝兩點，點知醒起身已經夜晚八點。電話勁多miss call，原來酒吧經理Angel打鑼咁搵我。「喂你去邊呀？今日好爆，唔見你連阿Ken都要落場呀……」
本來想打電話同Angel請假，都算有交帶！仲畀佢噴到一面屁咪笠佢線囉。腰痠骨痛，都係多陣……

2008-01-09
劈炮使乜驚呀？
一幾日，頭兩日Angel打，我都唔Q聽佢電話，你精我都唔笨，有乜返到公司先畀你一鑊過鬧。返到公司，阿Ken拉我埋一邊，諗住佢會「開我拖」啦！我做晒心理準備同佢撐過，點知佢只係好平靜、木無表情咁張支票畀我，同我講：「我知你係醒目仔，但做咁冇責任感，去到邊都死喎……」「收嗲啦你！」我未等佢講完就由佢手搶走張支票，跟住閃人，你老幾呀？得六千蚊人工想教訓我？
返到屋企，唔知點解，愈諗愈唔忿氣。由細到大住屋，你惡咩我一定惡過你，你鬧我咪同你鬥鬧囉，打都未驚啦，我從未輸過！但今日阿Ken咁平靜咁同我講，諗起佢勁輕視眼神，我覺得佢完全冇當過我係，所以都費事鬧我！我愈諗愈唔忿氣……不知不覺竟然流下「馬尿」……

網友回應
Ken 2008-01-09
你呢咁不負責任細路我見得多，本來我唔想同人教仔，但見你真係難得咁話頭醒尾，再加上今日說話都未講完。其實呢個世界聰明人唔係只得你一個，成功人就算幾聰明都要後天努力。你第一日返工同我講話要做到世界級bar tender，我當你係認真，你性格唔改，我諗你80歲都唔會做得到。你話你係醒字派，咁我想問你，其實你出世到家，有幾樣係全心全意去做，又做得成功？

Wing 2008-01-09
唉，大哥，你又唔做？識你咁耐，我都知你條友仔冇份工做得長，但你誓神劈願話今次一定起碼會做半年以上，我先介紹你入行。係咪跣我先？作為你朋友，都希望你有一番事業！你畀力出啦，你男仔……

下期預告
事先張揚！Marco下期將會回酒吧工作，雖然有番份工，但以Marco的爛玩懶做性格，點解可以捱到今時今日？那就要留意，只因一個Marco極親的人物將出場，影響他的想法……

辦公室ER : 公司唔見 唔畀報警？

辦公室ER : 公司唔見　唔畀報警？

每日我們返工，公司出出入入那麼多人，一不小心，財物隨時失蹤，像讀者Angel與同事連日來，相繼被人偷去手表、銀包等，向上司報告後，上司吩咐她們不要報警，但又不允許她們翻看公司的防盜錄影帶，只表示會內部處理，令Angel終日憂心會再被偷東西，到底面對這種問題，她能夠做些什麼呢？親愛的辦公室ER:
您好，我名叫Angel，在一間大機構任職銷售文員，公司旗下員工超過100人，最近我們部門經常發生失竊事件，多位同事的東西無故失蹤，如手機、名牌咭片包、鑽石戒指等，其中包括我也是受害人，明明把手表放在抽屜，午膳回來後，手表便不翼而飛了。
原來我們打算報警，但把事件告知上司後，他吩咐我們不要報警，並指公司會內部處理這件事，但又不批准我們看防盜錄影帶，令我們懷疑公司會否不理會此事，導致近日我們上班也不敢帶貴重物品。其實員工面對失竊事情時，有沒有什麼權利呢？請教教我們，謝謝。
Angel


就Angel這件事，我們請教梁永鏗律師，他表示員工並沒有權利看公司的錄影帶，最多只能報警求助。「員工係冇權要求公司畀佢睇錄影帶，如果員工有此要求，主動權都公司度，公司可以決定畀唔畀佢睇，一般講，只有保安人員或高層先可以睇呢帶，所以員工唯一可以做就係報警，交由警方處理，由警方要求公司交出錄影帶，至於報唔報警係員工自由，公司唔可以強行阻止。」梁律師又指若失竊事件，若其中原因是因為公司行政或保安問題，例如保安員忘記關門，亦可以嘗試向公司要求賠償。「不過件物品最好係涉及工作上需要，例如手機、手提電腦等，否則公司未必會受理。」

大機構會內部處理
中原人力資源董事總經理周綺萍指出，許多大機構都不願意報警。「因為公司一來要顧及公司形象；二來亦唔想令同事分心，引起恐慌，影響工作情緒。所以如果被偷去的物品價值唔係非常高，公司都寧願自行處理，雖然員工有自由去報警，但係為免令公司不滿，最好將事件交由公司處理，千祈唔好擅自報警。」
周綺萍表示交由公司處理，其實亦有好處，因為公司對各員工比較了解，捉到偷竊者的時間亦較快。「一間大機構旗下員工有幾百人，公司冇可能將所有員工資料都交晒畀警方，但係交內部處理，唔使小事化大之外，亦好快可以破案。好似我有個客，佢公司有員工唔見銀包，跟住上司就由座位位置，同埋同事背景方面手，發現有個男同事只係低級文員，但最近到全身名牌，而佢個座位又近該員工，於是經突擊搜身後，捉到男同事就係偷人，最後炒佢就算。」
而且公司有時只要翻看錄影帶，已可找出偷竊者，很快便處理好事情。「如果事件唔嚴重，偷竊者年輕或初犯，報警可能會令佢留案底，會影響佢前途，但係俾公司捉到，可能炒佢，當畀個懲罰佢就算，咁我就可以畀個機會佢改過自新，亦係一件好事。」


「辦公室ER」專為各讀者診治辦公室所遇到奇難雜症，無論你俾刻薄老細恰，又或者遭同事篤背脊，只要你fax26239389/26239315，或電郵至mailto:tradingexpress88@gmail.com，抬頭請寫「辦公室ER」，我都會盡力為你化解難題。

商機收料站 : 50大公司屯門搞招聘日

商機收料站 : 50大公司屯門搞招聘日

經濟好轉，生意做多，各大機構都爭住搶人。5月29日同30日屯門大會堂一樓展覽廳，就舉行超大型招聘會，超過50間公司及企業請超過2,500個職位，涉及範圍包括零售、飲食、地產及保安等行業，當中包括天然護髮用品中心招聘售貨員、英王麵包（香港）有限公司請見習麵包製造員及初級廚師、美聯物業請見習營業員等8項職位等。入職要求由中三起至大學畢業都有，有職位仲無需經驗，月薪大概由$5,500至超過$15,000，有職位仲請暑期工添。
勞工處發言人金小姐表示：「面對暑假旺季，各行各業都請人，今次舉行大型招聘會，僱主會即場面試，應徵者最好先到網站http://www.jobs.gov.hk/job_fair/2008-5-29-eip/index.htm選擇有興趣行業，然後因應唔同職位，準備好見工所需資料同文件，最基本就係帶齊學歷證明同照片。」咁多工畀你揀，實有份工你！

屯門招聘會
日期：5月29日及30日11:00am至6:00pm
地點：屯門屯喜路3號屯門大會堂1樓展覽廳
參與機構：美聯物業（策略）有限公司、利嘉閣、東海堂、周生生集團、雀巢香港有限公司、有線寬頻通訊有限公司、肯德基、維他奶國際集團有限公司、基兆業地產集團物業管理部、香港必勝客管理有限公司等超過50間香港及國際商業機構
提供職位：超過2,500
查詢電話：28524922

商機收料站 : 電器連鎖店陳列室代表 中五程度月入$11,000

商機收料站 : 電器連鎖店陳列室代表　中五程度月入$11,000

會考完畢，好多同學仔都埋心水搵份長工，各行各業大公司亦放榜前爭人。04年大學畢業生都係得$8,000起薪點，家陣呢個只係中五畢業起步價錢。暑假之前，信興電器貿易公司就5月底，同勞工處搞招聘日，請陳列室代表、營業員、推廣員及營業代表共4類職務，全部只需中五程度，有經驗者優先、冇經驗都會考慮，雖然暑期工免問，但人工最高可去到$11,000。
信興電器貿易公司人事部發言人鄧小姐同我發錢韓講，4項職務之中，「陳列室代表」起薪點已經有$9,000，最高仲可以去到$11,000，視乎經驗而定；負責銷售各類家庭電器產品營業員，未計comissions，月薪亦有$7,500。以上各職位工作時間每天9小時，每週工作6天，仲有員工購物優惠、醫療保險計劃及內部培訓等褔利。

面試考銷售技巧
人工咁吸引，對員工亦有一定要求，所指唔係學歷，而係禮貌同銷售技巧。鄧小姐話：「暑假係大量電器用品如空調及美容電器產品銷售旺季，今次招聘4種職位，名額超過25名，主要信興旗下『人氣電器店』同『健一番』港九各分店返工，陳列室代表主要店內提供銷售服務，如銷售電器及健康美容產品，亦有機會參與展銷工作，所以曾銷售有關產品及參與展銷活動者優先考慮。呢份工作一定要有耐心聽取客人意見及解答問題，長時間保持親切及友善態度，太過情緒化或者詞不達意都好難應付到，所以銷售技巧要達到水準，即使冇sell過電器都唔緊要，面試時我可能會安排應徵者即場示範點樣sell一件產品，試佢禮貌、語氣同誠意方面係咪合乎我要求。」陳列室代表表現良好話，有機會晉升至陳列室主任，而營業員視乎表現及業績，有機會晉升至營業主任，兩者人工約為$13,000或以上。
鄧小姐仲話：「公司除會29日同勞工處合辦招聘日外，之後亦會在公司網頁http://www.shunhinggroup.com繼續招聘，務求聘請到適合人才。」想大機會見得成工，除見工時衣整齊面帶笑容，就要練習多介紹產品技巧！


主辦機構：信興電器貿易有限公司
日期/時間：5月29日（星期四）2:00pm至4:30pm
地點：北角渣華道333號北角政府合署12樓
聘請職位：營業代表、陳列室代表、推廣員、營業員
查詢電話：25684752

PROFILE
發錢韓，本身姓韓，由於見錢眼開的性格，所以朋友均稱呼他發錢韓。百足咁多爪，平時鍾意四圍八，與不同行業人士吹水收風，了解香港商機走勢。

新鮮人 : 死人生意 睇盡生人事

新鮮人 : 死人生意　睇盡生人事

Winnie25歲殯儀「一條龍」sales
Winnie說，就連棺木的質地也分很多種：「好似火化用木同土葬用木質地價錢完全唔同，土葬用木料要好好多，防蟲之餘又要先人化得好，大約係火化用3倍價錢。」
曾經有人做過這樣一項科研：將一批快將去世的人，一個個放在一部極準確的電子磅上，竟然發現，所有「實驗品」在去世後，比彌留時都輕了約21克。據說，這21克就是人的靈魂。
我從事殯儀「一條龍」服務員3年，負責帶苦主簽辦各種證件、協助他們揀選殮葬儀式、在靈堂打點直到所有儀式完結為止。身邊人都問我怕不怕見到「味」？我為先人（死者）服務，怕甚麼？見盡生死的我，有時反而最怕「生勾勾」的苦主，即先人的親屬。

入行先學鄉下話
這話何解？話說很多時候，出面籌辦喪禮的，是先人的兒女，但背後話事卻是上了年紀、先人的另一半。老一輩人大部分只懂講鄉下話：潮州、客家、福建；另外又再細分圍頭、鶴佬。最初入行時，還未搞清他們說甚麼，又要學習不同鄉下的習俗及其背後意義。好像水上人會將先人生前戴過的金器首飾與飯同煲，再將飯分給子孫吃，意思是將先人的福蔭「留後」。而「買水」則是幫仙人洗滌靈魂，令他可以安心上路。還記得上班的頭一個月，老人家講鄉下話，我被問得口啞啞。有時不小心弄錯儀式，即被親屬罵個狗血淋頭。香港沒有「鄉下話」或「喪禮習俗」的學習班，惟有向老闆每事問，半年後才漸漸上手。
其實頭半年學習期間，我也想過放棄，不過有次儀式完畢，先人七十多歲的遺孀走過來激動地握我的手連聲感激，做了廿多年人頭一次覺得幫到人，就有了做下去的動力。而且我入行剛是SARS之時，經親戚介紹入行，所以對這份工格外珍惜。很多人問我，做這行多見生死，是否練得一副鐵石心腸？事實卻好相反，愈做我愈懂珍惜生命，就好像大家見到四川大地震的慘況，就會更珍惜身邊人。況且我見過不少大富之家，雖然舉辦超豪喪禮，家屬卻在靈堂上嬉笑玩耍，又見過兄弟一言不合大打出手，你說遇到這些人又怎會不怕？儀式做得多好，也是做給生人看的，生前對先人不好，死後儀式再隆重又有甚麼用？

商機收料站 : 荃灣新興旺場

商機收料站 : 荃灣新興旺場

荃灣近兩年起樓如植樹，大型中產私人屋苑林立，動輒50層起碼，人流興旺自然引來商機，以下3個重新規劃及新落成商場已經出現爭位情況，睇就要快租啦！

商機收料站 : 車仔檔扮蛋糕搶客

商機收料站 : 車仔檔扮蛋糕搶客

時近炎夏，好多商場都裝修得色彩繽紛，又卡通公仔又海洋背景咁，紛紛搶暑假客，3年前太古城租車仔檔賣學生精品鄭小姐，都話試過一個暑假賺差不多5萬蚊，今年想再搵番個車仔檔靚位做生意。最近除外場剛翻新九龍城廣場，以$1,500起超平租金吸納車仔檔租客外，調景嶺港鐵站都會商場地下，就新鮮熱辣推出少量車仔檔位，每月租金大約由$12,000至$18,000，包電費及管理費，租期為1個月起。調景嶺B出口一出閘就見到，非常就腳，而且每個車仔檔裝修到好似蛋糕咁七彩繽紛。長江實業租務部石小姐同發錢韓講：「今次總共4個檔位，其實精品、文具、小型家品等類型我都好歡迎。」既可作為繽紛裝飾又收到租，租客亦可利用靚靚裝修吸引客戶，cutie裝修呢條橋果然雙贏！
都會租務查詢：21809600

創業通 : 家長客勁 全港首創親子腳底按摩

位於西貢的「足海」腳底按摩店，開業不足1年，熟客超過5百人，每月營業額達10萬。
腳底按摩店之所以成功，全因該店姊弟老闆Brownie及Clarence看準西貢居民喜歡留區消費，區內又沒有特色按摩店，開店可做獨市生意；另外他們更首創親子腳底按摩，父母和子女可一起享受按摩樂趣之餘，亦可增進親子關係，成功掂家長，令生意有增無減。點請技師
Brownie任職社工接近20年，服務機構包括青少年及老人中心，她能夠聘請到優質按摩技師，全靠以前工作的幫助，原來當年她任職老人中心社工時，經常要替長者安排按摩技師，由於對象是長者，所以在挑選時，需特別嚴格。「我時搵按摩界老行尊林迪文幫我揀技師，揀時候，要睇佢手勢、用力同埋按位準確度，唔可以有絲毫偏差，久而久之，學懂了一揀技師竅門。」之後出來創業，她登報紙，或到再培訓局，或找林迪文代為挑選技師，結果揀選了多名高質素技師。
目前，香港推拿技能培圳中心及僱員再培訓局等均設有按摩技師培圳課程，如僱主想聘用技師，可向有關機構查詢。
香港推拿技能培圳中心：25911831
僱員再培訓局：23118381


當記者走進位於西貢普通路一幢舊樓一樓的「足海反射理療館」（以下簡稱足海），店內裝修素淨，與普通腳底按摩店無異，但細心觀看，店內一邊就放座椅讓客人按摩，另一邊白色的牆身用馬賽克砌出波浪，空間感大之餘，並配以兩盞水晶燈及海洋特色的擺設，窗外露台種滿了太陽花，當陽光從窗外透入店內，像去了泰國度假一樣；而店內播放有治療頭痛功效的音樂，希望令人有心曠神怡感覺。原來這全來自老闆Brownie的構思，「我想客人到會有放假去旅行感覺，可以盡量放鬆，能好好享受腳底按摩。」

親子足浴成賣點
足海在西貢市中心開業差不多1年，現時每月營業額已達10萬，熟客超過5百人；由於開業成本只需20萬，足海只經營大半年便已回本。首次創業便能在短時間回本兼有盈利，全賴Brownie看中西貢社區的獨特性，Brownie家住西貢，很清楚該區居民的生活模式，通常只會留在區內消費，西貢卻沒有腳底按摩店，開足海可以做獨市生意；每逢假日亦好多人由市區到西貢遊玩，他們玩到累都會想做腳底按摩，所以亦能吸納這批客人。
另外，Brownie更構思出全港獨一無二的親子腳底按摩，有效吸引上班族及家庭客，令家長帶小朋友一起前來光顧。「我鋪頭開業前做個reseach，發現住西貢人，雖然好鍾意留區內消費，但區內嚴重缺乏提供親子活動地方，所以家長每逢假期，就要諗帶仔女去邊度玩好？令到家長好頭痛。有時家長想趁假期做按摩放鬆都唔得，因為帶住仔女去按摩好唔方便。我弟弟Clarence本身做開兒童服務，佢話如果齋做成人生意會同其他腳底按摩店冇分別，不如試做埋親子腳底按摩，結果一推出，就吸引到好多家長試做，有仲好快成為熟客添！」


所謂的親子腳底按摩，其實只是在一般的成人腳底按摩以外，加入兒童腳底按摩服務，令大人細路可以一起感受當中樂趣。而有關的親子服務，其實在全球已漸漸成為一個新趨勢，世界不同地區如台灣、韓國、泰國等，早已有親子按摩服務，其中有「腳底按摩之父」之稱的吳若石神父更著書指出「兒童足健法」有助兒童及青少年的身心發展及智能開發，亦能針對常見於小朋友的哮喘、鼻敏感、偏食、消化不良等病患。
Clarence說：「曾經有個客帶個女試做，原本諗住改善女兒扁平足問題，佢個女不嬲唔鍾意講，成日自己匿埋房，點知按腳時候，個女同媽咪做埋同一樣，覺得係同一陣線，放鬆心情下，連佢同朋友鬧交事、嬲媽咪偏心成日唔理佢都講晒出，家佢會定期上按腳，當作係雙方增進關係橋樑。」

主攻幼兒家庭客
該店的熟客，前國泰空姐Brenda每個星期都帶同11歲的女兒Christina，前來做腳底按摩。Brenda一家住在西貢，丈夫任職飛機師，平日工作繁忙，甚少時間照顧女兒，亦因為女兒平時吃什麼都不吸收，很擔心女兒的體重過輕、有營養不良的問題。「我兩公婆之前都成日飛，好少同佢去玩，好少時間同佢傾偈，放假時因為平日工作太，寧願留屋企。」但Brenda有次經過足海，便和女兒一起做腳底按摩，最初只想做按摩之餘又可以同時看顧女兒，但沒想到腳底按摩可以和女兒增加溝通，亦令女兒健康有明顯改善。「每次我都會把握時間同Christina一邊按一邊傾偈，佢開心好多，而且腳底按摩真係可以改善佢健康問題，整個人都慢慢變得豐滿。」連Christina自己也說：「我最開心就係可以咁乾淨、又有渡假feel環境，同媽咪一齊傾偈！」
老闆Brownie和Clarence憑當社工超過10年的經驗，明白兒童的心理，深知要取得這批細路歡心，才是生意致勝之道，結果令他們在短短一年間，儲了超過5百個熟客，當中有6成是這種家有幼兒的家庭客。「因為只要兒童開心，父母下次就會再，唔開心就乜都冇！」除了腳底按摩外，還為小朋友設置一個悠閒角落，擺放小型家具、布公仔、畫冊、玩具等，讓小朋友逗留在店內玩。「其實我都知道要一個兒童坐定定好困難，所以提供畀兒童腳底按摩係由淺入深，初初以輕力舒服為主，再因應佢接受程度加大力度，時間就由20分鐘開始，再慢慢加至30分鐘，做完按摩後，我仲會提供一簡單益智遊戲，例如串珠仔、七巧板等玩具，希望令到兒童玩得開心。」
定價方面，Brownie一開始便決定打造一間價錢平、質素好的按摩店。「我一直有按腳習慣，但去過好多間，有裝修靚，但價錢就貴到差唔到$300一個鐘，有就好平，細細間，但環境又黑又暗，一都冇享受感覺。」於是，他們便將親子腳底按摩定價為$188（45分鐘成人及20分鐘兒童），而成人單價收費就$130（45分鐘），小童就收$58（20分鐘），但環境裝修得就像在泰國做spa一樣。

免費按腳作招徠
表面上他們的創業之路，好像一帆風順。但由月薪達4、5萬元的社工變做按摩店老闆，也不是易事，Brownie說：「因為當年政府一筆過撥款畀社福機構後，我做社工忽然工作量大增，一方面擔心應付唔到龐大工作量，一方面擔心飯碗不保，搞到個人長期要搵底按摩減壓，直至去年，索性把心一橫，辭掉工作，部分積蓄同細佬一齊創業！」
原以為客人滾滾而來，但開業首個月，客人卻幾乎是「零」，令Brownie兩姐弟擔心不已，於是想出免費試按引來客人，試做12分鐘服務。「我去西貢碼頭，見到人行完山搭船返，就派傳單畀佢，話有免費試按服務。好多客人試完12分鐘，真係覺得好舒服，仲話環境有渡假feel，就索性幫襯按摩兩個鐘。」這樣他們的生意額大增達七成，同時生意亦漸漸走上軌道。「人覺得我價錢唔貴、服務好、有relax感覺，好快就有返頭客！」
當解決如何開展客源後，第二個問題是如何聘請按摩技師，由於大多數技師都不願入西貢工作。Brownie解釋：「因為按摩技師向來係拆帳計數，開鋪又冇乜人幫襯，佢驚連車錢都蝕埋，所以好多技師最初一聽到西貢就唔肯入！」為了吸引技師，Brownie便設包薪制度，以月薪約8千至1萬元聘請技師，結果成功留住技師。不過，這種包薪制度，隨生意愈來愈好，當每個技師建立了一定的熟客後，便改用分帳形式，技師也會賺多些。「所以我見生意好，就即刻轉返拆帳制度，多勞多得，員工士氣都會好。」
現時，Brownie兩姊弟不愁生意，但他們同樣有個理念，和以前做社工一樣，他們最希望能透過足浴服務，改善現今社會的親子關係，從繁忙的生活中，加強溝通外，亦將足浴的治療功效帶給大家，改善身心健康。「每次我最開心，就係見到客人好relax樣，見到爸爸媽媽笑住同自己仔女按摩傾偈，我就會覺得好有成功感。」

強化兒童按摩3招？
有「腳底按摩之父」之稱的吳若石神父在國際間享負盛名，他著書推介的「兒童足部健康法」獲國際認同有醫學價值，
他認為腳底按摩可使0至15歲的兒童在不會喊痛情況下，獲得醫學治療效果。
治療及有助兒童身心發展，包括：預防流感及強腦等。

預防流感
要預防流感，就要按腳板肺的穴位，有助增強呼吸道功能。
方法：按腳掌心的肺穴位。

強腦
按腦穴位，有助提高兒童理解及記憶能力。
方法：在拇趾末端上下按摩。

增強免疫力
按淋巴穴位，有助增加兒童身體抵抗力
方法：按背第一、第二蹠骨間的隙縫。

開業資料（6/2007）
租金：$24,000（2個月按金，1個月上期）
裝修：$150,000
雜費：$20,000
總投資額：$194,000

營業資料
營業額：$100,000
租金：$8,000
人工：$60,000*
雜費：$3,000
盈利：$29,000
*包括2位老闆、4名全職及1名兼職理療師

足海反射理療館
地址：西貢普通道60號1樓（滿記甜品斜對面）
查詢：27910328

青雲路 : 天才廚皇 為靚食材搞批發

印象中，香港出色的廚師，個個都大肚腩兼有番咁上下年紀，如韜韜、楊貫一及已故的陳東。

所以，當香港出了一個只有24歲的「少年廚皇」劉嘉麟（阿B），香港飲食界及傳媒無不嘩然，簡直就是漫畫《伙頭智多星》味吉陽一嘛。
這位「廚皇」8歲入廚煮擔擔麵，13歲學拋鑊，14歲當上酒家總廚，16歲已有大堆頭銜，被封為「少年廚神」和「流浮山蠔皇」，22歲那年更膺法國國際廚皇美食會及法國藍帶烹飪學院，頒發「國際藝術烹飪大師」榮譽及「愛斯克菲藍帶獎章」，成為與楊貫一、梁文韜齊名、全球最年輕的世界廚皇。
一早已在香港廚藝界頂的他，最新搞作是踩入海鮮批發界，除了是歡樂海鮮酒家的老闆，去年又開了「祿億海鮮批發」。「唔新鮮，廚藝點叻都冇用。」少年得志，難免輕狂，但是觀乎他的廚藝及對飲食的熱誠，又的確囂得起。
約阿B做訪問，好比約明星，預約要經助手，還要三番四次更改時間，好不容易見到其人「真身」，忙爆的他卻在訪問期間走來走去，一時到批發市場叫員工做這做那、接又要到酒家巡視業務，手上兩部手機更是響不停，見記者一路跟他團團轉，他好不容易才「彈」出一句：「我淨係畀3分鐘你做訪問，其餘有乜想知，問凌小姐。」凌小姐是他的助手兼太太，整個訪問流程、拍照等，全由她一手安排。

最重要新鮮
其實這次不是記者跟他初次訪問，第一次是在2年多前，他剛奪得廚皇頭銜的時候，雖然訪問一個接一個，記者見他時卻輕鬆自若，駕寶馬到達，一身名牌西裝，邊喝紅酒邊接受訪問。今次見到他卻忙得交關，臉容略帶憔悴，聲音沙啞，名牌皮鞋換上了一對水靴，唯一不變的，是那一身恤衫西褲和gel得燙貼的頭髮。「以前佢幾忙都有時間休息，家日日做到凌晨先收工，每日得4、5個鐘，全年無休，我要見佢都要落鋪頭。」太太剛說完，在旁的阿B笑插口，「你想同我做專訪？得！只要跟我3日，由早上6點開始，跟我去批發市場，下晝跟我出去買貨，夜晚再同我返酒家開工，咁你就可以完全起晒我底，不過我驚你頂唔順咋！」說得招積，這位少年得志的廚皇早就應該「上了岸」歎世界，這樣辛苦，到底所為何事？
原來因為一年多前，他為了能突破自己，提升食物的質素，開了海鮮批發公司「祿億」。「我一直認為食材最重要，冇好原材料，就算有一流廚藝都冇用，所以幾辛苦都要搞好食物來源，咁有好當然要同人分享，批發畀其他鋪頭又可以擴大業務，一舉兩得。」一講起食物，阿B終於「撩起鋪癮」滔滔不絕。「食物新鮮仲要講時令，否則就食唔到佢原味，好似流浮山最出名蠔，4、5月就最肥美，過5月就冇咁靚。」為了找到好的食材，他每朝5時就要起床，親自揀選從珠江運來的海鮮，有時更會走到鯉魚門、西貢等地搵貨，揀海鮮從來難不到他，「魚靚唔靚要講斤頭、地區同養殖方法，好似青衣咁，3、4斤肉質最好，仲有船貨又會靚過飛機貨，因為飛機貨一定要麻醉，魚質就會受影響。」幾句已見真章。
除了海鮮，他甚至連其他食材如肉類，都要親自揀選供應商，「我豬肉係元朗一個肉檔供應，其他人賣豬肉會掛晒上架，佢就會用兜平放住，咁樣肉水分就冇咁易流失，佢連咁細微都諗到，我梗係要幫襯佢啦。」原本身為老闆，阿B大可交由員工幫手買貨，但他卻說：「唔親自揀過又點知靚唔靚啊，而且去買貨可以同其他人交流，知道更多市場行情。」

吃遍四方創新菜
對美食的執，才能令阿B在工作上不斷突破，亦是他成功的原因。這位成名已久的廚皇，除了風雨不改找尋新鮮食材，還愛四圍試菜，知己知彼之外，還因為要找尋創新菜式的靈感。「我成日都出埠去美國、上海、澳洲四圍試食，試盡大江南北，先可以從中諗到新菜式，做到人冇你有，人有你變，人變你先。」像他發明的三針醉蟹，比傳統用花雕灌醉蟹或用低溫凍暈蟹效果更好。「以前要用至少45分鐘先可以整暈隻蟹，費時失事，而且凍暈隻蟹，蟹肉會變實，令口感變差，用酒醉蟹又好容易令酒味蓋過蟹味，但係我用針筒將稀釋玫瑰露酒直接打入蟹身，三針就暈，3分鐘就搞掂，蟹自然更新鮮啦！」
阿B自創的菜式，常常得到食家極高的評價，像鄧達智在專欄稱他為「流浮山的復興者」，唯靈又讚「B仔有前途」。05年他得到廚皇會中國區主席的黃雅歷提名，爭取廚皇榮譽，經過重重考驗後，獲得全球兩大名廚組織：法國國際廚皇美食會及法國藍帶烹飪藝術學院，頒發「國際藝術大師」榮譽及「愛斯克菲藍帶獎章」，躋身世界廚皇之列，獲得這些美譽的全港不過20人。提起那次比賽，阿B仍一臉得戚，「次考試好刁鑽，要我酒家、屋企同遊艇上面煮，目的係要唔同環境、唔同爐具下測試我廚藝。」在遊艇那一役，他用兩個石油氣爐頭，便煮了10道菜式，獲得評判一致好評。

家變造就小廚師
阿B對烹飪的確有天分，5歲時已學人整西多士、8歲時更走進廚房，展開大廚之路。不過卻是生活迫出來的。
8歲那年，其父親欠下一大堆賭債失，母親獨力接管了父親經營的酒家，年少的阿B亦不再是魚翅撈飯的少爺仔，眼見母親早出晚歸，為母親開心，他便用豬肉碎、蝦米熬湯，煮了碗擔擔麵給母親吃，母親覺得他有天分，便讓他到酒家幫手，由低做起，洗米、洗菜、倒垃圾樣樣要做，不過阿B卻不覺得辛苦。「我好討厭返學，堂堂瞌眼，叫我坐班房一分鐘，我寧願返廚房做一日。」同學仔放學追明星，他寧願返酒家學煮。
13歲正式學廚，當學基本功「拋鑊」炒飯，因為太細粒，還要用汽水盤做腳踏，拿3、4斤重的鐵鑊，燙傷手是常事，苦練之下，14歲那年當上了酒家大廚，那時老員工不服氣，顧客又質疑他的能力。「陣我炒個雞蛋海鮮炒飯，個客大讚好食，跟住唔信係我煮，點知入到廚房見到我，都嚇一跳。」
他又愛自創菜式，起初老員工都不欣賞，惟獨母親二話不說，把菜式寫到餐牌上，點知反應極佳成了酒家招牌菜，老員工們才開始對他佩服。在酒家工作10多年的經理亦說：「阿B好叻仔，又識變通，成日都有新菜式推出。」
他憑真功夫，坐上總廚之位，不入廚時，就會在酒家門口賣蠔豉，每天動輒有數千元收入，錢來得容易，令他差點步上父親後塵。「15歲年好鍾意賭錢，試過一日輸十幾萬，欠街數幾十萬，激到阿媽用鐵棍追打我。」為了不想令母親失望，阿B毅然戒賭，重新專注在工作上，每朝到晚日炒夜炒，終於炒出成績來。

不斷努力只為家
當年辛苦學廚，為了替母親爭一口氣，如今積極開發批發市場，也是為頭家。「我家要修身齊家，講真做得咁辛苦，都係為屋企人。」兩年多前，阿B修心養性，結婚生仔，現在囝囝已有歲半大，從時間上推斷，BB出世不久，正是開設「祿億」的時間。「唔可以話因為個仔先搞批發，但係結婚之後，責任係大，好想將業務搞得更好。」輕狂背後，24歲的阿B，流露出一份世故的成熟。

點入行?
想入行做中廚就要由學徒做起，學洗菜、切工等，慢慢累積經驗升上去，如果想先打好個底，中華廚藝學院亦有相關課程提供，讀完加入大集團或酒店的機會更會較大，參考如下：
機構：職業訓練局中華廚藝學院
條件：中三或以上程度，年滿15歲，面試合格後要自費健康檢查。
學費：每年$3,050
內容：材料運用知識、成本計算及控制、刀工技巧、烹調技巧等。
網頁：http://www.vtc.edu.hk/~ccti

晉升階梯
總廚：$18,000起（3-4年）
↑
助理總廚：約$15,000（3-4年）
↑
分部主管：約$13,000（3-4年）
↑
高級廚師：約$10,000（3-4年）
↑
初級廚師：$7,000-$9,000（1-2年）
↑
學徒：$6,000-$7,000

後記：成功男人的背後……
20歲前，阿B終日窩在流浮山，整個世界只有工作。
直至20歲那年，因為拍攝飲食節目的關係認識了大學畢業、曾任民政事務署公關的太太，才讓他打開另一片天空。記得2年多前訪問，凌小姐說：「我唔想佢做井底蛙，想佢見識外面世界，迫佢每個禮拜放1日假，陪佢去鏞記、赤柱食飯。」多年來，不願出鏡的她，一直默默擔當助手角色，替他安排訪問、做剪報，陪他到海外交流做翻譯。
今次訪問，凌小姐又說：「我家變佢阿四，要幫佢做，又要湊仔。」語帶嬌嗔，卻難掩甜蜜幸福。
每個成功男士背後，果然都有一個女人。

一 個 人 在 商 場 （ 壹 週 刊 第 950 期 22.5.2008 ） King Parrot 揸 弗 人 勝 在 夠 辣

景 樂 集 團 （ King Parrot Group ） 是 一 盤 典 型 家 族 生 意 ： 旗 下 飲 食 品 牌 包 括 EL CID 、 香 辣 屋 、 阿 拉 廚 房 、 天 與 地 等 ， 共 三 十 七 間 餐 廳 。 自 從 創 辦 人 周 家 而 在 二 千 年 因 心 臟 病 發 突 然 離 世 ； 景 樂 集 團 的 帥 印 就 交 予 家 族 的 獨 女 周 驪 莉 （ Anna ） ， 由 她 出 任 集 團 的 行 政 總 裁 。

個 子 嬌 小 兼 沒 半 點 股 份 的 她 ， 不 單 令 大 哥 細 佬 都 信 服 ， 最 重 要 是 「 食 」 住 一 班 廚 房 佬 ， 統 領 着 景 樂 集 團 不 斷 擴 張 ， 是 名 副 其 實 的 「 小 辣 椒 」 。

大 廚 大 多 是 彪 形 大 漢 ， 周 驪 莉 （ 左 二 ） 個 子 雖 小 ， 但 她 的 魄 力 足 叫 一 班 大 廚 信 服 。

今 日 統 領 集 團 過 千 名 飲 食 大 軍 ， Anna 卻 自 問 不 及 已 經 離 世 的 大 哥 周 家 而 ， 「 大 哥 好 有 生 意 頭 腦 ， 做 事 決 斷 。 九 十 年 代 佢 開 鸚 鵡 吧 ， 一 支 啤 酒 賣 十 三 蚊 ， 比 同 行 貴 幾 蚊 ， 當 時 人 人 睇 死 佢 。 但 佢 又 可 以 令 盤 生 意 愈 做 愈 旺 ， 行 家 一 聽 到 佢 開 新 酒 吧 ， 就 好 驚 鸚 鵡 吧 開 响 佢 哋 隔 籬 。 」 周 家 而 於 九 三 年 成 立 景 樂 集 團 ， 開 設 EL CID 西 班 牙 餐 廳 及 泰 國 菜 香 辣 屋 等 ， 一 直 都 頗 為 順 景 ， 而 且 不 斷 擴 張 ， 雄 霸 諾 士 佛 臺 和 銅 鑼 灣 食 街 。
二 千 年 是 景 樂 集 團 的 轉 捩 點 ， 集 團 一 年 之 內 連 開 七 間 新 餐 廳 ， 周 家 而 卻 在 同 年 突 然 心 臟 病 發 逝 世 ， 「 大 哥 當 時 可 能 真 係 太 辛 苦 ， 太 過 用 腦 。 」 回 憶 大 哥 時 ， Anna 仍 是 雙 眼 通 紅 ， 她 說 以 往 所 有 決 策 都 由 大 哥 話 事 ， 她 只 負 責 執 行 ， 頃 刻 龍 頭 不 在 ， 同 行 即 時 議 論 紛 紛 ， 認 為 這 個 飲 食 世 家 必 定 出 現 內 鬥 。
「 部 分 股 東 開 始 對 前 途 無 咩 信 心 ， 甚 至 有 意 轉 投 其 他 飲 食 集 團 。 」 Anna 說 當 時 不 知 從 哪 裡 來 的 勇 氣 ， 好 像 大 哥 上 身 ， 她 決 定 去 蕪 存 菁 ， 重 整 集 團 發 展 方 向 ， 「 我 即 時 踢 走 唔 忠 心 嘅 股 東 ， 又 決 定 開 多 一 間 新 鋪 ， 藉 此 穩 定 軍 心 。 」 當 年 退 股 的 是 現 時 在 鯉 景 灣 搞 飲 食 的 智 策 飲 食 集 團 董 事 周 其 初 ， 他 不 願 提 起 退 股 的 原 因 ， 只 說 ： 「 當 時 佢 哋 都 俾 好 好 價 買 番 我 嘅 股 份 ， 景 樂 集 團 現 時 做 得 唔 錯 。 」

景 樂 集 團 創 辦 人 周 家 而 ， 即 周 驪 莉 的 大 哥 ， 在 二 千 年 因 心 臟 病 發 突 然 去 世 。	King Parrot Holdings Ltd 主 要 股 東

切 忌 搞 中 菜

周 家 而 在 生 之 時 ， 曾 經 千 叮 萬 囑 Anna ， 「 不 要 做 揸 筷 子 嘅 食 肆 。 」 Anna 解 釋 此 話 玄 機 ， 「 因 為 中 菜 特 別 難 賺 錢 ， 廚 房 分 工 細 、 工 夫 多 ， 反 觀 西 廚 比 較 簡 單 ， 一 個 廚 可 以 整 晒 前 菜 、 餐 湯 、 主 菜 。 」 集 團 前 路 茫 茫 之 時 ， Anna 竟 敢 違 反 大 哥 生 前 教 誨 ， 開 設 中 華 料 理 餐 廳 「 天 與 地 」 。 原 來 開 「 天 與 地 」 是 為 了 穩 定 軍 心 ， 讓 員 工 及 股 東 知 道 即 使 大 哥 過 身 ， 集 團 擴 張 的 策 略 不 變 ， 也 為 了 完 成 大 哥 生 前 的 心 願 。
「 我 以 前 成 日 同 大 哥 四 圍 去 旅 行 搵 新 菜 種 。 有 次 去 東 京 ， 見 到 有 間 叫 青 龍 門 嘅 中 華 料 理 ， 我 同 大 哥 都 好 鍾 意 呢 間 菜 館 。 之 後 我 哋 成 日 諗 點 樣 可 以 响 香 港 開 番 間 類 似 嘅 餐 廳 。 」
Anna 在 家 中 排 行 第 四 ， 對 上 還 有 兩 個 哥 哥 ， 在 群 龍 無 首 之 際 ， 她 能 夠 坐 上 集 團 行 政 總 裁 ， 全 因 她 早 於 九 一 年 便 開 始 幫 大 哥 打 理 餐 廳 ， 從 他 身 上 學 到 不 少 飲 食 業 經 營 心 得 。 但 原 來 Anna 不 佔 景 樂 集 團 半 點 股 份 ， 她 似 乎 對 此 不 太 介 懷 ， 「 我 睇 錢 唔 係 睇 得 咁 重 ， 我 真 係 好 鍾 意 做 呢 行 ， 有 無 錢 都 一 樣 會 做 。 」 兩 名 兄 長 認 為 由 她 出 任 集 團 揸 弗 人 最 適 合 不 過 。 「 佢 最 好 再 勤 力 啲 ， 咁 我 就 可 以 做 少 啲 。 我 都 想 過 多 幾 年 就 退 休 。 」 三 哥 周 家 理 說 。

力 抗 加 價 狂 潮

Anna 在 訪 問 中 ， 大 嘆 現 今 食 肆 面 對 千 萬 種 難 題 ， 她 指 以 前 做 餐 廳 開 業 年 半 已 可 回 本 ， 現 在 則 起 碼 三 年 才 有 些 少 錢 賺 ， 不 過 ， 現 在 的 業 主 對 租 客 要 求 多 多 ， 直 接 加 重 經 營 成 本 ， 「 同 業 主 簽 五 年 租 約 ， 淨 係 餐 廳 裝 修 已 經 要 二 、 三 百 萬 ， 做 到 第 三 年 開 始 賺 錢 ， 業 主 又 會 叫 你 再 執 靚 間 鋪 ， 即 係 又 要 再 投 資 一 筆 啦 ！ 賺 咗 都 要 揼 番 落 去 。 」 她 就 見 招 拆 招 ， 業 主 要 求 再 裝 修 ， 她 只 更 換 餐 廳 內 的 枱 櫈 餐 具 裝 飾 品 ， 務 求 以 最 經 濟 快 捷 的 方 法 滿 足 業 主 的 要 求 。
近 年 食 物 價 格 飛 漲 ， 柴 米 油 鹽 樣 樣 加 ， Anna 堅 持 不 會 將 貨 就 價 ， 「 主 菜 一 定 無 得 轉 用 平 價 貨 ， 惟 有 喺 配 菜 度 諗 ， 番 茄 貴 咪 用 南 瓜 代 替 ； 午 市 之 後 唔 會 開 晒 全 部 泠 氣 ； 廚 房 要 節 制 用 水 。 當 然 ， 食 品 價 格 一 定 要 調 整 。 」 她 旗 下 的 餐 廳 一 直 走 中 檔 路 線 ， 二 哥 周 家 敏 直 言 ， 他 們 不 會 做 廉 價 快 餐 ， 「 而 家 做 平 價 嘢 ， 賣 得 多 都 未 必 可 以 應 付 租 金 。 」

開 一 間 餐 廳 最 少 要 投 資 二 、 三 百 萬 ， 周 驪 莉 說 在 十 多 年 前 ， 餐 廳 一 年 半 內 已 可 回 本 ， 現 在 則 起 碼 要 到 第 三 年 才 真 正 賺 錢 。

廚 房 中 成 長

Anna 見 近 年 廚 藝 課 程 頗 為 盛 行 ， 她 便 在 旗 下 餐 廳 搞 廚 藝 班 ， 由 餐 廳 大 廚 主 理 ， 立 即 吸 引 到 一 班 OL 新 客 ， 連 食 材 及 學 費 ， 每 位 百 五 元 ， 並 在 非 繁 忙 時 間 開 班 ， 增 加 餐 廳 的 收 入 。
能 夠 在 飲 食 行 業 不 斷 變 通 ， 全 因 由 細 到 大 Anna 已 經 在 餐 館 廚 房 內 四 圍 走 ， 父 親 周 寶 鴻 在 七 十 年 代 來 港 創 辦 「 上 海 老 正 興 」 ， 小 籠 包 、 銀 絲 卷 等 各 式 美 食 ， Anna 早 已 見 慣 食 慣 ， 甚 至 懂 得 各 式 上 海 菜 餚 的 製 作 竅 門 。 所 以 個 子 小 小 的 她 亦 能 駕 馭 一 班 老 師 傅 和 大 廚 ， 「 個 個 上 海 菜 師 傅 年 紀 都 大 過 我 ， 見 我 咁 細 個 又 係 女 人 ， 自 然 唔 多 服 ， 有 時 甚 至 會 特 登 挑 戰 你 。 」
「 好 彩 我 在 廚 房 大 ， 乜 嘢 上 海 菜 我 都 識 整 ， 碟 餸 落 少 咗 豉 油 ， 落 多 咗 糖 ， 我 一 食 就 知 ， 我 會 同 班 大 廚 講 ： 『 我 以 前 食 開 都 唔 係 咁 嘅 味 。 』 一 定 要 證 明 你 有 料 ， 廚 師 先 會 服 你 。 」
「 佢 直 頭 犀 利 過 男 人 啦 ！ 」 集 團 其 中 一 名 大 廚 說 ， 並 指 她 不 會 擺 老 細 款 ， 廚 師 做 錯 事 會 直 接 指 出 ， 處 事 作 風 絕 不 轉 彎 抹 角 。
「 而 家 香 港 有 過 百 間 上 海 菜 館 ， 老 實 講 句 ， 邊 有 咁 多 有 經 驗 嘅 上 海 師 傅 吖 ！ 以 前 起 碼 做 十 年 先 叫 得 做 師 傅 ， 而 家 入 行 做 一 、 兩 年 又 話 係 師 傅 。 」 Anna 說 開 新 鋪 不 難 ， 最 難 反 而 是 找 一 個 嘅 合 適 又 有 經 驗 的 廚 師 ， 即 使 她 願 意 花 時 間 培 訓 新 人 也 困 難 重 重 ， 「 時 下 年 輕 人 唔 夠 主 動 ， 遇 到 問 題 唔 會 走 去 問 人 ， 佢 哋 成 日 以 為 所 有 嘢 學 一 次 就 等 於 識 晒 ！ 」

周 驪 莉 深 諳 市 場 策 略 ， 利 用 餐 廳 的 空 檔 時 間 開 辦 廚 藝 班 ， 她 說 ： 「 集 團 勝 在 菜 種 多 ， 可 以 開 班 教 泰 國 、 西 班 牙 、 俄 羅 斯 菜 都 得 ， 嚟 緊 又 會 開 生 蠔 班 ， 教 人 點 樣 配 酒 食 生 蠔 。 」

尖 沙 咀 諾 士 佛 臺 是 景 樂 集 團 的 地 頭 ， 包 括 這 間 Island Seafood & Oyster Bar 。

捕 捉 飲 食 潮 流

Anna 認 為 ， 要 悉 心 栽 培 一 個 好 廚 師 ， 必 定 要 讓 他 親 身 感 受 該 國 的 食 物 、 氣 氛 ， 行 吓 街 市 ， 認 識 當 地 的 居 民 和 他 們 日 常 的 食 材 ， 才 能 夠 煮 出 最 貼 近 該 國 風 味 的 菜 餚 ， 「 我 不 時 都 會 組 團 帶 廚 師 到 不 同 國 家 品 嘗 當 地 美 食 。 意 大 利 人 喜 歡 用 風 乾 的 材 料 煮 食 ； 西 班 牙 人 愛 用 新 鮮 蔬 果 海 鮮 ； 去 新 疆 人 屋 企 食 飯 ， 原 來 會 先 替 客 人 洗 手 ， 我 後 來 開 新 疆 餐 廳 也 將 這 個 特 色 引 入 。 」
景 樂 集 團 會 隨 着 飲 食 潮 流 開 設 餐 廳 ， 現 時 她 正 籌 備 越 南 菜 館 ， 她 說 ： 「 我 發 現 只 要 某 一 個 國 家 多 香 港 人 去 旅 行 ， 該 個 地 方 嘅 菜 式 就 會 興 起 。 早 幾 年 我 開 俄 羅 斯 餐 廳 、 土 耳 其 餐 廳 、 新 疆 菜 館 ， 都 係 因 為 見 到 好 多 香 港 人 去 那 些 地 方 旅 行 。 」

集 團 青 黃 不 接

今 時 今 日 ， 周 家 上 上 下 下 在 集 團 內 各 司 其 職 ， Anna 向 記 者 逐 一 細 數 ： 「 二 哥 周 家 敏 負 責 行 政 同 食 物 採 購 ； 三 哥 周 家 理 駐 守 赤 柱 美 利 樓 管 理 兩 間 餐 廳 ， 閒 時 又 會 到 銅 鑼 灣 巡 鋪 ； 五 弟 周 家 傑 在 內 地 做 肉 食 採 購 ； 大 哥 兩 名 兒 子 亦 在 集 團 內 擔 任 店 鋪 籌 劃 工 作 。 」 至 於 Anna 的 丈 夫 Jody ， 則 主 要 管 理 諾 士 佛 臺 八 間 餐 廳 的 前 線 員 工 ； 她 的 子 女 亦 分 別 在 集 團 內 工 作 ， 兒 子 浩 傑 更 是 調 酒 師 。
Anna 擔 任 行 政 總 裁 ， 每 日 工 作 十 二 小 時 ， 有 如 女 鐵 人 一 樣 ； 「 做 得 餐 飲 業 就 預 咗 無 私 人 時 間 。 」 但 她 謂 做 這 行 一 定 犧 牲 很 多 ， 例 如 大 時 大 節 只 會 同 客 度 過 ， 「 做 飲 食 業 一 定 唔 會 係 朝 九 晚 五 ， 朝 十 晚 十 二 係 例 牌 。 有 個 姪 女 做 咗 兩 個 月 就 同 我 講 ： 『 姑 姐 ， 可 唔 可 以 調 我 返 寫 字 樓 ， 我 唔 想 無 晒 social life （ 社 交 生 活 ） 。 』 我 兩 個 仔 女 都 係 一 樣 ， 佢 哋 都 唔 想 日 日 由 朝 做 到 晚 。 」 Anna 惟 有 先 調 派 他 們 到 有 興 趣 的 崗 位 上 工 作 ， 讓 他 們 慢 慢 摸 索 ， 「 他 們 不 厭 惡 這 個 行 業 ， 可 能 已 成 功 咗 一 半 。 」

周 驪 莉 （ 右 二 ） 與 二 哥 周 家 敏 （ 左 一 ） 、 三 哥 周 家 理 （ 右 四 ） 、 弟 弟 周 家 傑 （ 右 三 ） 、 丈 夫 Jody （ 右 一 ） 、 女 兒 韻 芝 （ 左 二 ） 及 兒 子 浩 傑 （ 左 三 ） 在 景 樂 集 團 內 各 司 其 職 ， 共 同 打 理 旗 下 三 十 多 間 餐 廳 。 她 說 一 家 人 在 公 事 上 難 免 會 有 爭 拗 ， 幸 好 並 沒 有 因 此 傷 感 情 。

周 驪 莉 致 力 培 育 下 一 代 接 手 家 族 生 意 ， 他 與 前 夫 所 生 的 兒 子 翟 浩 傑 現 時 便 在 旗 下 餐 廳 任 職 調 酒 師 。

揀 老 公 　 要 實 際

做 事 手 起 刀 落 ， 性 格 爽 快 的 Anna ， 原 來 揀 老 公 亦 十 分 實 際 。
她 十 七 歲 時 到 加 拿 大 Winnipeg 升 學 ， 冬 天 氣 溫 可 達 零 下 四 十 多 度 ， 她 笑 言 ： 「 只 要 個 男 仔 有 車 ， 我 已 經 會 好 鍾 意 佢 喇 ！ 」 那 個 有 車 的 男 仔 接 她 返 學 放 學 ， 縱 使 男 方 較 她 年 幼 兩 年 也 絕 不 計 較 。 十 九 歲 那 年 就 輟 學 與 他 結 婚 ， 生 下 兩 名 子 女 ， 並 得 到 父 親 打 本 在 當 地 開 設 上 海 菜 館 。
「 第 一 任 丈 夫 始 終 年 紀 細 ， 未 定 性 ， 我 鍾 意 做 嘢 ， 佢 鍾 意 玩 。 間 餐 館 得 我 一 個 打 理 ， 樓 面 係 我 、 洗 碗 係 我 、 送 外 賣 都 係 我 ， 好 辛 苦 。 」 Anna 說 ， 做 了 兩 年 多 便 把 餐 館 交 給 二 哥 打 理 。 一 九 八 二 年 ， 她 搬 到 另 一 城 市 Cannery ， 報 讀 理 髮 課 程 ， 不 過 ， 她 始 終 熱 愛 飲 食 業 。 於 是 她 一 邊 做 理 髮 師 ， 一 邊 在 日 本 菜 館 當 兼 職 。 直 到 八 五 年 ， 她 正 式 與 丈 夫 離 婚 ， Anna 亦 坦 然 面 對 ， 「 我 從 來 無 憎 任 何 人 ， 只 係 大 家 想 要 嘅 嘢 唔 同 。 」
一 九 九 一 年 ， 大 哥 周 家 而 在 香 港 創 辦 EL CID ， 她 於 是 從 加 拿 大 回 港 ； 集 團 旗 下 的 香 辣 屋 於 二 千 年 在 又 一 城 開 幕 ， 她 就 在 酒 會 上 認 識 了 當 時 在 美 麗 華 酒 店 任 職 的 Jody ， 並 展 開 了 她 第 二 段 婚 姻 ， 「 大 家 都 係 做 呢 行 ， 一 講 起 食 就 有 好 多 話 題 。 」 Anna 慶 幸 遇 上 Jody ， 並 且 「 收 歸 」 為 景 樂 集 團 旗 下 ， 現 替 她 打 理 諾 士 佛 臺 八 間 餐 廳 ， 減 輕 了 不 少 擔 子 。