真人Show : 蠟像館嚇人事件簿（上集）

Amy23歲
行業：杜莎夫人蠟像館「活命狂奔」演員
簡介：自細已經好鍾意睇電視，好想學面演員咁扮唔同角色，長大後入讀香港演藝學院戲劇系，一表演時便全情投入，不介意扮任何角色，畢業後首份工作便是擔任杜莎夫人蠟像館新開設恐怖屋——「活命狂奔」演員，扮演發瘋的囚犯惟肖惟妙。2008-03-20有機會扮喇！
唔經唔覺，都演藝學院讀2年文憑課程，今年就畢業喇，好唔捨得班同學仔，不過一諗到今後有機會真係企舞台上演出，就即刻好興奮。其實細細個開始已經好鍾意扮，最鍾意就係屋企大毛巾同窗簾當披肩，扮古代俠女，再「擸」雞毛掃當劍，跳住係咁耍，陣時諗：第時都可以扮俠女就好喇！
估唔到機會話就，不過唔係扮俠女，係扮……鬼！！
事緣今朝食飽飯冇做，我又上最hitdrama友討論區——「劇場搭爹區」（網址：http://www.htstudio.com.hk/ddk/re2.htm），咁俾我見到山頂間蠟像館今年會開一間鬼屋，佢個討論區貼個招聘廣告請演員喎，難得冇經驗都可以apply，我即刻send份resume過去先。

2008-4-12扮貓扮狗……千祈咪扮蛇
早兩日蠟像館通知我今日面試，噚日緊張成日，不停咁諗佢會唔會即場考表情動作，惟有不停咁對鏡練習。
今朝晨咁早去面試，在場有5、6個應徵者一齊入房group interview，in我係外國人，好彩我英文唔差，而且佢主要都係問我點解鍾意做呢份工、以往表演經驗等，都唔算難答。之後佢就要我一人一張咭紙寫上一種動物名，我諗到蛇就乾脆寫蛇落張咭度，後來個外國人就叫我互相交換咭紙，跟住要我扮演番咭上面寫動物，即場上演一場動物弱肉強食廝殺場面！
我抽到貓，比較易掌握，我即時貓妖上身咁，用貓爪襲擊其他「動物」，不過收到我張咭要扮蛇位仁兄就慘，要趴地上「躝」，希望我同佢都可以入圍啦！

2008-4-20Bingo！返工去！
嘩，開心到唔識形容，蠟像館真係請我喇，一個禮拜返5日工，人工同福利都唔錯（不過公司叫我唔好周圍講，所以要保密），雖然唔係企舞台上面演戲，不過鬼屋都算係另一個表演舞台，屋企人同朋友知道都話第時有機會都會捧場。公司安排5日training畀我，朝九晚五好似返學咁，今次公司一共請11個人，9男3女，大家好快就混熟，最開心係見番上次扮蛇男仔都有入圍。
Training時先至知，原來「活命狂奔」唔係鬼屋而係瘋人監獄，我就係扮發癲囚犯。Train落先知除演技之外，仲有好多要注意，好似要同客保持一隻手距離，唔可以有身體接觸，淨係靠演技去嚇佢，好似叫聲啦、動作同表情咁，仲有就係走位同timing都好重要，好似伏轉角，等人行過一步就即刻撲出去，咁人九成九會驚！之後又要學埋特技化妝，原本以為好難，估唔到學幾個鐘就識，因為個場地好黑，所以只要化到似流血，個樣夠恐怖就ok，真係好多要學啊！

2008-4-25未嚇人先嚇己
上幾日雞精班，真係話咁快就滿師，公司將我班員工分3組，一組入面表演，一組就好似客咁入去試玩，咁樣就可以畀我了解客人心理狀況，知道點走位同點表演先最嚇人。
其他同事都好期待，我呢，有震……，其實我好細膽，以前試過玩過1、2次鬼屋都嚇餐死，之前去過蠟像館實地視察，齋行我都「淆淆」，今次仲要入去玩……
「呀呀呀呀~~~~救命呀！」我都唔知自己叫幾耐，同事真係好pro囉，嚇到我幾乎喊出，玩完第一次，個心幾乎跳出，最慘係未定驚又要玩多次，最後足足玩3、4次，由極驚玩到唔驚。嘻嘻，下個禮拜正式開工，終於都到我嚇番客人轉頭，好期待！

Torrice
由我第一日識你開始，已經覺得你份人做好認真，學又快手過人，好似你學化妝咁，幾個鐘就已經化得好好，好勁啊！
仲有就係想多謝你，我一有咩唔識，你都肯教我，多謝晒！以後都請你多多指教啦！

Eric
喂Amy，初初見你斯斯文文，估唔到你扮起「癲婆」上都幾惟肖惟妙喎，個人又幾玩得喎。
好開心我11個人都可以咁老友、咁團結，training時放工又會一齊去食飯，希望之後返工，大家都可以合作愉快啦。p.s.聽聞你原來好細膽喎，真係睇唔出。

下期預告
Amy終於正式開工，下期將會講到佢頭一日點用妙計嚇客人，以及工作上發生的趣事同怪人，仲有一件喜事降臨……