辦公室ER : 老闆迫你信耶穌？

香港是一個有宗教信仰自由的社會，但你的老闆迫你信耶穌，把信仰與工作掛，怎麼辦？今次讀者阿May便遇上這個問題，其公司的老闆和同事全部都是基督徒，每天早上也要被迫一起祈禱，星期日要參加查經班，就連公司機器壞了，也要她祈禱，但是阿May既不敢逆老闆意、又不想辭職，到底她該如何面對這個難題呢？
辦公室ER：
您們好，我是阿May，去年剛剛完成副學士文憑課程畢業，畢業後任職售貨員，今年初便轉工到一間貿易公司擔任銷售部助理的工作。新公司福利和人工也很理想，雖然公司只有10人，規模不大，但是老闆和同事都非常友善，工作上遇上困難，也會主動幫助我。
但是，最叫我煩惱的，便是他們全部都是基督徒，每天早上也要花半小時祈禱和唱聖詩，我是無神論者，心非常不願意，但為怕得罪老闆，亦只好照辦。遇上公司的傳真機、影印機等壞了，同事也叫我祈禱；近幾個星期日，老闆還要全部員工返公司一起參加查經班，這些都令我極度困擾，可是我又不想辭職，到底我該怎麼辦呢？

困擾的阿May


就阿May的個案，街坊工友會的發言人蘇先生表示，香港有宗教自由，所以老闆不能強迫她一起祈禱或看聖經。其實老闆都是一番好意，想邀請阿May加入信仰，如果阿May真的接受不到，蘇先生建議應主動跟老闆傾談，表明自己的立場。「老闆以為阿May冇宗教信仰，覺得佢會有興趣睇聖經，所以阿May最好同老闆講清楚，講話時要婉轉，唔會講到老闆強迫佢咁，而係講自己唔習慣祈禱，或者自己唔信有關信仰，一般老闆聽到都會明白。其實只要溝通得好，就可以減少呢問題發生。」

不可不合理解僱員工
若老闆因為員工不跟隨他的信仰，而把員工解僱的話，將觸犯「不合理的要求」這項勞工條例。「勞工條例有一條叫做不合理要求，正好能夠保障到好似阿May呢類例子，雖然阿May本身冇宗教信仰，但老闆都唔可以利用公司上下級關係，強迫阿May信基督，即使祈禱或唱聖詩係工作時間內，都係不合理要求，何妨星期日原本係阿May法定假期，要佢去上查經班，就更加唔合理。」
若老闆為此作藉口解僱阿May，她絕對可以告上勞工處，不過要小心老闆以其他藉口反駁，如指她遲到等。「如果老闆以佢遲到做藉口炒佢，佢就要出證據，顯示佢一向都冇遲到紀錄，咁都可以反駁番老闆。另外，有case，老闆會為咁，扣起員工佣金或獎金等，員工都一樣可以向勞工處申訴，例如間公司每季都會派發獎金，但其他員工有，佢就冇，都可以作為證據。」
街坊工友會查詢熱線：24241456


「辦公室ER」專為各讀者診治辦公室所遇到奇難雜症，無論你俾刻薄老細恰，又或者遭同事篤背脊，只要你fax26239389/26239315，或電郵至mailto:tradingexpress88@gmail.com，抬頭請寫「辦公室ER」，我都會盡力為你化解難題。