商機收料站 : 大家樂招聘過百人

近年餐飲業人手短缺，好似大家樂就先後參加過好多大型招聘會，年頭仲招聘500位前線人員，但係請極都唔夠人。早排我同CoCo經過新屯門中心間大家樂，又見到佢放個牌出，仲話會請成1百人，職位包括聘請分店副經理、分店主任、客務主任及經驗廚師，以上職位以曾大家樂工作，或者有餐飲經驗者優先，月薪約有1萬蚊。
另外，仲有唔少職位都寫到明毋須經驗，中五畢業生，我都想幫黑仔明問有咩工佢，打去熱線搵到負責經理，佢話：「我都有唔少工中五生做，好似收銀員、店務助理同廚務助理，人工由6千蚊起，如果後生仔有興趣，可以先打電話約面試時間，帶齊履歷、學歷證明等，就可以面試。面試內容主要係傾偈，睇佢對工作熱誠同有冇責任心，如果做得好，大約1至2年就有晉升機會。」大家樂仲會提供免費在職培訓、免費膳食同埋醫療服務，福利唔算太差，各位中五畢業生不妨諗諗。
招聘熱線：24547520