商機收料站 : 四仔鋪「插旗」打擊廟街生意

近呢兩年，海關同警方大力打擊四仔鹹碟老翻店，四仔鋪幾乎旺角商場絕跡，我發錢韓以為四仔鋪即將成為歷史時候，黑仔明話畀我聽，話佢早兩日去廟街，見到一過千呎「四仔鋪」地鋪裝修得美輪美奐，原來廟街地鋪租平，吸引到四仔鋪進駐！
黑仔明同個朋友最近廟街開間特色精品店，但同我呻話好難做，「廟街地鋪租金無疑係平，我間鋪4百幾呎都係6千幾蚊租，廟街有千呎鋪位1萬蚊就租到，相比起佐敦其他如吳松街、上海街，起碼平三成，但人流就差唔多，有唔少遊客會專登行。當時都以為執到筍，即刻租鋪搞裝修，點知做做先發現近排開4間四仔鋪，搞到條街變四仔街，亦令我少兩成生意！」

四仔鋪趕正經客
雖然廟街本身有性商店同北姑企街，但政府近年積極宣傳幫廟街洗底，好似舉行廟街節等活動，希望吸引多遊客觀光，令到人流真係多。而且，好多年輕男女家都好鍾意廟街尋寶，搵得意精品。「家條街多呢四仔鹹碟老翻鋪，多鹹濕佬流連，變相趕客，搞到好多後生女仔客都唔敢幫襯。」黑仔明仲話好多商戶都唔歡迎佢，唔想已洗底廟街再俾人標籤做「四仔街」，但奈何好多商戶敢怒不敢言。
走去附近地產鋪度問，職員就同我發錢韓講：「聽行家講，佢（四仔鋪）之前搵鋪係叫個仔同地產講開精品店，點知結果賣四仔！」不過，職員話如果業主唔詐型，佢都冇得追究，但就話四仔鋪應該老早佐敦廟街一帶做過租金research，趁旺角被商場同政府一網打盡後，一方面繼續旺角搵上樓鋪繼續吊命營業，另方面廟街再搵平租地鋪搶灘。」
我發錢韓都戥黑仔明不值，即刻打去警察公共關係科度問，佢同我講知道呢單會即刻調查，再採取行動。廟街始終係遊客必到旅遊點，人流有保證，況且「邪不能勝正」，香港海關同警方咁有效率，相信好快會打擊呢四仔鹹碟老翻地鋪。

PROFILE
發錢韓，本身姓韓，由於見錢眼開的性格，所以朋友均稱呼他發錢韓。百足咁多爪，平時鍾意四圍八，與不同行業人士吹水收風，了解香港商機走勢。