商機收料站 : 中小企資助計劃 最高貸款500萬

最近見老友辛年財嘆晒氣，原來佢公司要買批過百萬器材，一時周轉不靈。身為佢老友，梗係要幫佢諗諗計，醒起早兩日睇到個電視廣告，講一個同辛年財有同樣財政問題企業老闆，話政府工業貿易署有個中小企資助計劃，申請就乜都搞掂。為了解詳情，即刻打去查詢熱線問個究竟，負責人馮太話，呢個計劃由01年推出，主力協助中小企營商，到家已經有5萬間公司成功申請到資助，由於今年個資助額加大，所以再出力賣廣告做宣傳。
計劃分為中小企業信貸保證計劃、中小企業市場推廣基金及中小企業發展支援基金呢3個項目。辛年財情況就最申請「中小企業信貸保證計劃」，因為呢個計劃係貸款畀公司，購置營運設備及器材，以及借貸營運資金畀企業，買器材最多可以借500萬，而營運資金最多可以借100萬，前者最長可以分5年分期還款，後者就2年。查實計劃貸款係由銀行借出，但由政府做擔保，如果間中小企還唔到錢，政府就要幫佢還一半數目。

利息按浮動利率
今年首次申請到貸款「創力實業公司」，佢就借得140萬保證金，最多分5年償還，利息係按浮動利率，即係每季連埋利息，大約還$75,000左右。發言人顏小姐話，佢公司從事啤塑工序及製造半製成品加工，因早前要買部大型注塑機，一時周轉唔到，十分頭痛。「我原本想向銀行借貸，後來經銀行介紹申請呢個資助，申請手續仲簡單過直接問銀行借貸，只要填好表格，交齊證明文件就得，而且借款額亦比銀行大，審批時間仲好快添，只需大約7至10個工作天，就已經批到。我覺得呢個計劃對我呢中小企幾大幫助，做生意最緊要資金，如果因為周轉問題接唔到生意就唔抵。」

至於主攻海外客中小企想擺展覽吸客，又苦無資金話，又可以申請「中小企業市場推廣基金」。計劃內容係資助公司參與海外展覽、考察團，或者係以出口為主本地展覽等，最高上限為10萬蚊，最時裝品牌或者禮品公司參加，有助打開海外市場。
最後樣「中小企業發展支援基金」，就唔係間間公司申請得，事關呢個計劃係資助組織或機關，推行一有助提升某行業競爭能力項目，例如調查研究、獎勵計劃、支援設施等，一句講晒，即係要對香港行業有貢獻，一般中小企都未必會申請，不過資助額都幾高，最多有成200萬。
想申請以上資助，只要該中小企香港有商業登記，同埋符合香港政府中小企定義，即從事製造業而本港僱用少於100人企業，或從事非製造業而本港僱用少於50人企業，咁就有資格申請。審批時間仲好快，1個月內就可以獲批。等我都叫辛年財快去申請資助，咁就唔使頭都大埋啦。

查詢熱線：23985125
網址：http://www.smefund.tid.gov.hk

PROFILE
發錢韓，本身姓韓，由於見錢眼開的性格，所以朋友均稱呼他發錢韓。百足咁多爪，平時鍾意四圍八，與不同行業人士吹水收風，了解香港商機走勢。